World Vision საქართველოსა და დაავადებათა კონტროლისა და საზოგადოებრივი ჯანმრთელობის ეროვნულ ცენტრს შორის გაიმართა სამუშაო შეხვედრები ახალ ერთობლივ პროექტთან დაკავშირებით, რომელიც ხორციელდება ავსტრიის განვითარების თანამშრომლობის ფინანსური მხარდაჭერით. საკოორდინაციო შეხვედრებზე მხარეებმა განიხილეს პროექტის ფარგლებში დაგეგმილი საქმიანობები და ურთიერთთანამშრომლობის საკითხები. 

პროექტი „არავინ დარჩეს ყურადღების მიღმა“ მიზანია COVID-19-ით დაზარალებული ჯანდაცვისა და სოციალური დაცვის სისტემების გაძლიერება საქართველოში. 

პროექტის მთავარი მიმართულებებია:

• ცნობიერების გაზრდა იმუნიზაციის და ჯანმრთელობის საკითხებზე
• ჯანდაცვის სერვისებისა და ბავშვთა დაცვის სისტემების გაძლიერება
• სახელმწიფო დაწესებულებების ქვეშ მყოფი ყველაზე მოწყვლადი ჯგუფების დახმარება მათ საჭიროებებზე მორგებული სერვისებით და გენდერულად მგრძნობიარე მხარდაჭერით.

🟨პროექტი გრძელდება 18 თვე და მოიცავს 5 სამიზნე რეგიონის 15 მუნიციპალიტეტს: თბილისი (ყველა რაიონი);  იმერეთი (ქუთაისი, ზესტაფონი, ბაღდათი), კახეთი (თელავი, გურჯაანი, ყვარელი), სამცხე-ჯავახეთი (ადიგენი, ახალციხე, ბორჯომი), აჭარა (ბათუმი).